महलक्ष्मि

काही विचार !

मी रविवारी महलक्ष्मि च्या देवळात गेलो होतो , मुंबई मध्ये राहून सुधा मी दुसर्यांदा  गेलो . गर्दी होती थोडी, म्हणजे आरती सुरु होती म्हणून थांबून ठेवल होत लोकांना. तरी झालं लवकरच, देवळ्याच्या पाठी खूप सुंदर समुद्र दिसतो . तुम्ही रात्री आपली शाळा किव्हा कॉलेज बघितलाय? सकाळी इतका प्रसन्न वाटणारी शाळा कॉलेज रात्री  इतकं भयाण दिसत , सगळं सुनं सुनं वाटत, पण समुद्र मला सुंदरच वाटतो . सुसाट वारा सुटला होता, दहा मिनटा पूर्वी traffic मध्ये असा अंदाज पण येत नाही कि थोड्या वरती इतकं सुंदर सगळं असेल.

देवळात ती माणसं (volunteers ) सगळ्यांना धक्का देऊन बाजूला काढतात म्हणजे तास भर वाट बघून दहा सेकंद पण दर्शन  होत नाही . ते सगळं तसच झालं , पण हल्ली मला ह्या गीष्टींचा त्रास होत नाही मी सध्या आनंदात आहे :). 

देऊळ छान आहे प्रसन्न एकदम , गार वारा सुटला होता कुणीतरी सनई वाजवत होतं, खूप गजबजाट, मला अस आवडत देउळ , europe मधल्या चर्च सारखं नाही , सगळीकडे शांतता आणि पांढरे कपडे घातलेले ते पाद्री , जरा आवाज झालं कि शु असा करणारे लोक, मी कधी बाहेर पडतो अस झालं होतं मला तेव्हा . (http://mazapravasvarnan.blogspot.com/).

त्या गर्दी मध्ये मला एक द्रिष्य दिसलं , दोन हिजडे (तृतीय पंथी लोक, हल्ली सगळ्यांच्या भावना दुखावतात ) दिसले छान  साडी नेसली होती, डोक्याला  कुंकू हातात ताट, एकाने डोक्यावर पदर घेतला डोकं टेकलं आणि डोळे मिटून प्रार्थना केली, काही तरी मागितलं असणार , काय मागितलं असेल? मला काही झालं कि मी लेगच देवावर चिडतो , मीच का रे?  असा विचारतो रुसतो . पण ह्या लोकांनी देवा कडे काय मागितलं असेल हो? चार पैशे जास्त मिळो? आज कमी शिव्या मिळो? घर? गाडी? काय मागणार? ....मरण मागितलं असेल का हो? का पुढच्या जन्मी नक्की काय ते कर असं नको ठेउस...कुणास ठाऊक. मी खूप वेळ त्यांच्या कडे बघत होतो. ते खरे देव भक्त, असं होऊन सुधा श्रद्धा कायम होती हो, आपण सगळे ढोंगी  सगळं मिळून सुद्धा तक्रार करतो समाधानी नाही राहत , मला त्यांच्याशी बोलायचा होतं, विचारायचा होतं, पण नाही विचारला.

देवीच्या पाठी गणपती आणि मारुती चं देउळ आहे ते बघायला गेलो, वारा खाल्ला समुद्र बघितला आणि बाहेर पडलो कुठे गेले ती दोघं कळलंच नाही .

बाहेर पडून वडा खाल्ला worli sea face ला बसलो , विसरलो सगळं, आता आठवला म्हणून लिहिलं.....मनाला चारा.